Ekoetxea
Naturaren gordailu eta bultzatzaile
Azpeitiko Ekoetxea zentroa aitzindaria da ingurumen hezkuntzan, Euskal Herriko lehen gunea izan baitzen.
Loiola basilikako lorategietatik gertu dago, eta baliabide naturalak ezagutaraztea eta baloratzea du helburu, bai eta herritarrak ingurumen-gaietan sentsibilizatzea, heztea eta ekintzara bultzatzea ere.
Azpeitiko Ekoetxean, gainera, Xaguxatar hiri-parke naturala kokatzen da, 1.800 m2-ko hedadurarekin eta 6 sekziotan banatua, saguzarren ohiturei, ezaugarriei eta habitatei buruzko informazioa ematen duena, ikuspegi ludiko eta interaktibotik.
