Geoparkea
60 milioi urte begirada batean
Gipuzkoa mendebaldeko Geoparkeak itsaslabar ikusgarria hartzen du bere baitan, eta ondare aberatsa eskaintzen du geologiari, paisaiari eta kulturari dagokionez. Zumaiak, Debak eta Mutrikuk osatzen duten gunea Europako Geoparkeen Sareko kide da. Denboraren poderioz metatutako eta itsasoaren eraginez moldatutako altxorra da Euskal Kostaldeko Geoparkea, geruza harritsuetan idatzitako milioika urteko historia kontatzen diguna. Flysch izenarekin ezagutzen den egitura honen geruzen sekuentziak 60 milioi urte inguruko gunea osatzen du. Lurraren historiako gertaera garrantzitsuen aztarna ikus daiteke bertan, horregatik bihurtu da denbora geologikoaren nazioarteko erreferentzia.
Informazio gehiago: www.geoparkea.eus
Familian gozatzeko plana proposatzen dizugu
5 Geltoki Historian
Eskualdeko museoak familian ezagutzeko plan bikaina. Haurrentzako abantailak eta zozketak.
